Breaking News
ಭಿನ್ನಾಭಿಪ್ರಾಯವಿಲ್ಲ , ಒಗ್ಗಟ್ಟಿನಿಂದ ಕೆಲಸ ಮಾಡುತ್ತೇವೆ: ಬಿಜೆಪಿ ಹಾಲಿ, ಮಾಜಿ ಕಾರ್ಪೋರೇಟರ್‌ಗಳು

ಭಿನ್ನಾಭಿಪ್ರಾಯವಿಲ್ಲ , ಒಗ್ಗಟ್ಟಿನಿಂದ ಕೆಲಸ ಮಾಡುತ್ತೇವೆ: ಬಿಜೆಪಿ ಹಾಲಿ, ಮಾಜಿ ಕಾರ್ಪೋರೇಟರ್‌ಗಳು

ಜಯನಗರ ವಿಧಾನಸಭಾ ಕ್ಷೇತ್ರದಲ್ಲಿನಾವೆಲ್ಲರೂ ಪಕ್ಷದ ಅಭ್ಯರ್ಥಿ ಪರವಾಗಿ ಒಗ್ಗಟ್ಟಿನಿಂದ ಚುನಾವಣಾ ಪ್ರಚಾರ ನಡೆಸುತ್ತಿದ್ದು , ಗೆಲುವಿಗೆ ಶ್ರಮಿಸುತ್ತಿದ್ದೇವೆ. ಎಂದಿಗೂ ಪಕ್ಷ ದ್ರೋಹದ ಕೆಲಸ ಮಾಡುವುದಿಲ್ಲ ಎಂದು ಬಿಜೆಪಿಯ ಹಾಲಿ ಮತ್ತು ಮಾಜಿ ಕಾರ್ಪೊರೇಟರ್‌ಗಳು ಸ್ಪಷ್ಟಪಡಿಸಿದರು.
ನಗರದ ಖಾಸಗಿ ಸಭಾಂಗಣವೊಂದರಲ್ಲಿಮಂಗಳವಾರ ನಡೆಸಿದ ಜಂಟಿ ಪತ್ರಿಕಾಗೋಷ್ಠಿಯಲ್ಲಿಭೈರಸಂದ್ರ ವಾರ್ಡ್‌ನ ಕಾರ್ಪೋರೇಟರ್‌ ಎನ್‌.ನಾಗರಾಜ್‌ ಹೊರತುಪಡಿಸಿ, ಜಯನಗರ ಕ್ಷೇತ್ರ ವ್ಯಾಪ್ತಿಯ ಮಾಜಿ ಮೇಯರ್‌ ಎಸ್‌.ಕೆ.ನಟರಾಜ್‌, ಅವರ ಪತ್ನಿ ಕಾರ್ಪೊರೇಟರ್‌ ಕೆ.ಎನ್‌.ಲಕ್ಷ್ಮೀ ನಟರಾಜ್‌, ಸದಸ್ಯರಾದ ಮಾಲತಿ ಸೋಮಶೇಖರ್‌, ಎಚ್‌.ಸಿ.ನಾಗರತ್ನ ರಾಮಮೂರ್ತಿ, ದೀಪಿಕಾ ಎಲ್‌.ಮಂಜುನಾಥ ರೆಡ್ಡಿ , ಆರ್‌.ಗೋವಿಂದನಾಯ್ಡು ಭಾಗವಹಿಸಿದ್ದರು.

”ನಮ್ಮಲ್ಲಿಯಾರಾದರೊಬ್ಬರಿಗೆ ಕ್ಷೇತ್ರದಿಂದ ಟಿಕೆಟ್‌ ಕೇಳಿದ್ದದ್ದು ನಿಜ. ಆದರೆ, ಪಕ್ಷದ ವರಿಷ್ಠರು ಬಿ.ಎನ್‌.ವಿಜಯಕುಮಾರ್‌ ಅವರ ಸಹೋದರ ಬಿ.ಎನ್‌.ಪ್ರಹ್ಲಾದ್‌ ಅವರ ಹೆಸರನ್ನು ಘೋಷಿಸಿದರು. ಈ ಬಗ್ಗೆ ಯಾವುದೇ ರೀತಿಯ ಅಸಮಾಧಾನ ಇಲ್ಲ. ಪಕ್ಷದ ತೀರ್ಮಾನವನ್ನು ಒಪ್ಪಿಕೊಂಡು ಕೆಲಸ ಮಾಡುತ್ತಿದ್ದೇವೆ. ಪಕ್ಷ ವಿರೋಧಿ ಕೆಲಸ ಮಾಡಿದರೆ, ಜನ ನಮ್ಮನ್ನು ಕ್ಷಮಿಸುವುದಿಲ್ಲ ,” ಎಂದು ಮಾಜಿ ಕಾರ್ಪೋರೇಟರ್‌ ರಾಮಮೂರ್ತಿಹೇಳಿದರು.
”ಬಿಟಿಎಂ ಲೇಔಟ್‌ನಲ್ಲಿರಾಮಲಿಂಗಾರೆಡ್ಡಿ ಅವರು ಗೆದ್ದಿದ್ದು , ಪಕ್ಕದ ಕ್ಷೇತ್ರವಾದ ಜಯನಗರದಲ್ಲಿಪುತ್ರಿಯನ್ನು ಕಣಕ್ಕಿಳಿಸಿದ್ದಾರೆ. ಇಲ್ಲಿಹಣ, ತೋಳ್ಬಲದ ರಾಜಕಾರಣ ನಡೆಯುತ್ತಿದೆ. ಕ್ಷೇತ್ರದ ಜನರು ಪ್ರಹ್ಲಾದ್‌ ಅವರನ್ನು ಗೆಲ್ಲಿಸುವ ಮೂಲಕ ವಿಜಯಕುಮಾರ್‌ ಅವರಿಗೆ ಶ್ರದ್ಧಾಂಜಲಿ ಅರ್ಪಿಸಲಿದ್ದಾರೆ. ನಾಗರಾಜ್‌ ಅವರು ಬಿಜೆಪಿ ತೊರೆದಿಲ್ಲ ಅಂತಿದ್ದಾರೆ. ಹಾಗಿದ್ದರೆ, ಪಕ್ಷದ ಅಭ್ಯರ್ಥಿ ಪರವಾಗಿ ಪ್ರಚಾರ ನಡೆಸಲಿ. ಇಲ್ಲವಾದರೆ, ಪಕ್ಷಕ್ಕೆ ರಾಜೀನಾಮೆ ನೀಡಿ ಕಾಂಗ್ರೆಸ್‌ಗೆ ಅಧಿಕೃತವಾಗಿ ಸೇರಿಕೊಳ್ಳಲಿ,” ಎಂದು ಹರಿಹಾಯ್ದರು.ಮಾಜಿ ಮೇಯರ್‌ ಎಸ್‌.ಕೆ.ನಟರಾಜ್‌ ಮಾತನಾಡಿ, ”ನಮ್ಮೊಂದಿಗೆ ಚರ್ಚಿಸದೆ, ಅಭ್ಯರ್ಥಿಯನ್ನು ಆಯ್ಕೆ ಮಾಡಿದ್ದಕ್ಕಷ್ಟೇ ಅಸಮಾಧಾನವಿತ್ತು. ಆ ಬಳಿಕ ಆರ್‌.ಅಶೋಕ್‌ ಮತ್ತು ಅನಂತಕುಮಾರ್‌ ಅವರು ಸಭೆ ಕರೆದು, ಪಕ್ಷದ ನಿರ್ಧಾರದಂತೆ ಸಂಘ ಪರಿಹಾರದ ಬಿ.ಎನ್‌.ಪ್ರಹ್ಲಾದ್‌ ಅವರಿಗೆ ಟಿಕೆಟ್‌ ನೀಡಲಾಗಿದೆ ಎಂದು ಸ್ಪಷ್ಟಪಡಿಸಿದರು,” ಎಂದರು. 

ಮಾಜಿ ಕಾರ್ಪೋರೇಟರ್‌ ಸೋಮಶೇಖರ್‌ ಮಾತನಾಡಿ ”ಪಕ್ಷದ ಅಭ್ಯರ್ಥಿಯನ್ನು ಗೆಲ್ಲಿಸಲು ಎಲ್ಲರೂ ಒಗ್ಗಟ್ಟಿನಿಂದ ಕೆಲಸ ಮಾಡುತ್ತಿದ್ದೇವೆ. ಯಾವುದೇ ಕಾರಣಕ್ಕೂ ಪಕ್ಷ ಮತ್ತು ಅಭ್ಯರ್ಥಿಗೆ ವಂಚನೆ ಮಾಡುವುದಿಲ್ಲ ,” ಎಂದು ಹೇಳಿದರು.
”ದುಡ್ಡಿನ ಆಸೆಗೆ ಕೆಲವರು ಕಾಂಗ್ರೆಸ್‌ ಅಭ್ಯರ್ಥಿ ಪರ ಪ್ರಚಾರ ಮಾಡುತ್ತಿದ್ದಾರೆ. ಅವರನ್ನು ಪಕ್ಷವು ಆಡಳಿತ ಪಕ್ಷದ ನಾಯಕ, ನಗರ ಯೋಜನೆ ಅಧ್ಯಕ್ಷರನ್ನಾಗಿ ಮಾಡಿತ್ತು. ಅದನ್ನು ಮರೆತಿದ್ದಾರೆ. ಪಕ್ಷದ ಅಭ್ಯರ್ಥಿ ಪರವಾಗಿ ಪ್ರಚಾರ ಮಾಡಲು ಇಷ್ಟವಿಲ್ಲದವರು ರಾಜೀನಾಮೆ ಕೊಟ್ಟು, ಕಾಂಗ್ರೆಸ್‌ ಸೇರಿಕೊಂಡು ಪ್ರಚಾರ ನಡೆಸಲಿ,” ಎಂದು ಎನ್‌.ನಾಗರಾಜ್‌ ವಿರುದ್ಧ ಪರೋಕ್ಷವಾಗಿ ವಾಗ್ಧಾಳಿ ನಡೆಸಿದರು.

ಬಿಜೆಪಿ ತೊರೆದಿಲ್ಲ ; ಅಭ್ಯರ್ಥಿ ಪರವಿದ್ದೇನೆ

”ಜಯನಗರ ಕ್ಷೇತ್ರದಿಂದ ಟಿಕೆಟ್‌ ನೀಡದಿರುವುದಕ್ಕೆ ಅಸಮಾಧಾನವಿರುವುದು ನಿಜ. ಆದರೆ, ಬಿಜೆಪಿಯನ್ನು ತೊರೆದಿಲ್ಲ. ಆರಂಭದಲ್ಲಿಕ್ಷೇತ್ರದ ಎಲ್ಲ ಕಾರ್ಪೋರೇಟರ್‌ಗಳು ಒಟ್ಟಿಗಿದ್ದೆವು. ಈಗ ನಾನು ಅವರಿಗೆ ಬೇಡವಾಗಿದ್ದೇನೆ. ಪೂರ್ವ ನಿಗದಿತ ಕಾರ್ಯಕ್ರಮವಿದ್ದುದರಿಂದ ಸುದ್ದಿಗೋಷ್ಠಿಗೆ ಹೋಗಲಿಲ್ಲ. ನಾನು ಪಕ್ಷದ ಅಭ್ಯರ್ಥಿ ಪ್ರಹ್ಲಾದ್‌ ಅವರ ಪರವಾಗಿ ಪ್ರಚಾರ ನಡೆಸುತ್ತೇನೆ,

Leave a Reply

Your email address will not be published.